NEWS
9.10.2023 - The Honourable Chief Justice, Dr. Faustin NTEZILYAYO, has officially opened a five-day Symposium on alternative dispute resolutions, such as plea bargaining and civil mediation. This symposium is being held at the Crown Conference Hall - Kigali.
Ibyemezo by'Inama Nkuru y'Ubucamanza - 22 Ukuboza 2023
22.12.2023 - Press Release | UNCONSTITUTIONALITY – RELATED CASE
17.1.2024 - Itangazo rigenewe abanyamakuru - RJOA
24.1.2024 - New Appointment | Inspector General of Courts
Court Interpreting Practice - Rwanda: Challenges and strategies for fair justice
12.3.2024: Mu Rukiko Rwisumbuye rwa Nyagatare | Urubanza rwa GASANA Emmanuel n’Ubushinjacyaha bumukurikiranyeho icyaha cyo gusaba no kwakira indonke kugira ngo akore ikiri mu nshingano ze. Urubanza rurabera mu Rukiko Rwisumbuye rwa Nyagatare
22.3.2024 - Itangazo ry'Ibyemezo by'Inama Nkuru y'Ubucamanza
28.3.2024 - Quartely Meeting of the Presidents of Courts
10.6.2024 - Hon. Chief Justice, Dr. Faustin NTEZILYAYO, opened a 4-day Rwanda and Kenya Supreme Courts' Benchmarking Sessions: Opening Remarks
27.9.2024 - Itangazo ry'Ibyemezo by'Inama Nkuru y'Ubucamanza
29.11.2024 - Itangazo ry'Ibyemezo by'Inama Nkuru y'Ubucamanza
IMIRONGO Y’INKIKO
Imirongo y’inkiko ishyirwaho mu rwego rwo gutanga ubutabera bunoze kandi bwisuse.
Ubucamanza mu Rwanda bumaze igihe bukoresha uburyo bw’imirongo yatanzwe n’inkiko nkuru hagamijwe gukemura ibibazo cyangwa imanza zakiriwe.
Ubu buryo bwifashishwa aho urukiko mu gufata icyemezo rushobora kugena umurongo uzajya wifashishwa n’izindi nkiko mu gihe zihuye n’ikibazo gisa neza n’icyakiriwe.
Buri kwezi, itsinda rishinzwe gutangaza imirongo yatanzwe n’inkiko riba rifite inshingayo yo kuyikusanyiriza hamwe no kuyimenyekanisha, ariko buri gihembwe rikanamurika icyegeranyo kirimo imirongo yatoranyijwe kugira ngo ifashe abacamanza n’abagana inkiko kumenya uko ibibazo bimwe na bimwe bishobora gukemurwa hakurikijwe imirongo yatanzwe.
Uburyo bwo gukoresha imirongo ni uburyo busanzwe mu Muryango w’Ibihugu bikoresha Ururimi rw’Icyongereza (Commonwealth). Ubwo buryo bugamije gufasha abacamanza mu gukemura ibibazo bisa mu buryo bumwe.
Ubusanzwe umucamanza afite inshingano zo guca urubanza, haba hari itegeko cyangwa ridahari, ryaba ryumvikana cyangwa ritumvikana.
Hari ubwo umucamanza ajya guca urubanza, agasanga itegeko ritumvikana cyangwa ritanariho. Mu nshingano ze akora ubushakashatsi, akaba yashingira ku manza zaciwe n’inkiko zo hanze y’Igihugu, cyangwa ibitabo by’amategeko, noneho igitekerezo akuye mu bushakashatsi bwe, iyo agishyize mu rubanza kiba kibaye umurongo uzayobora izindi nkiko cyangwa se ibindi bibazo bizasuzumwa, bigasubizwa na cya gitekerezo cyangwa na wa murongo watanzwe.
Kubera iki imirongo yagiyeho?
Mu ntego nkuru y’Ubutegetsi bw’Ubucamanza harimo gutanga ubutabera bunoze kandi bwihuse. Kugira ngo iyo ntego igerweho, uburyo bwose bushoboka burakoreshwa. Ubundi mu micire y’imanza hasanzwe hakoreshwa amategeko; bityo, umucamanza mu guca imanza agakoresha itegeko ryanditse. Uburyo bw’imirongo bwaje bwunganira uburyo bwari busanzwe.
Imirongo ntabwo yaje gukuraho amategeko, ahubwo yaje kunganira uburyo bwari busanzwe buhari kugira ngo bifashe abagana inkiko kubona ubutabera bwihuse kandi bunoze.
Akamaro k’imirongo
Imirongo itangwa mu nkiko ifasha mu gutanga ubutabera bumwe ku bibazo bisa, kudahindagurika kw’ibyemezo by’inkiko no kugabanya ibirarane by’imanza (uko imirongo igenda iba myinshi).
Ababuranyi (abavoka n’abashinjacyaha), abacamanza n’abashakashatsi mu nkiko, basabwa kuyisoma no kuyifashisha kugira ngo mu mujyo umwe habeho guteza imbere no gushimangira umuco wo gutanga ibisubizo bimwe ku bibazo bisa.
Ushaka imirongo yose yatanzwe n’inkiko mu Rwanda, asura urubuga rwa www.amategeko.gov.rw.
Kuva imirongo y’inkiko yatangira gukoreshwa, hamaze gufatwa ibyemezo by’inkiko (Urukiko rw’Ikirenga, Urukiko rw’Ubujurire, Urukiko Rukuru n’Urukiko Rukuru rw’Ubucuruzbirenga) 3,300 byatanzwemo imirongo.
Inama y'igihembwe y'abayobozi b'inkiko
Nyakubahwa Perezida w’Urukiko rw’Ikirenga, Rt. Hon. MUKANTAGANZWA Domitilla, yayoboye inama y’igihembwe y’abayobozi b’inkiko zose mu Rwanda, aho yibukije kandi asaba abitabiriye inama guca imanza mu buryo bushingiye ku mategeko, birinda ruswa, akarengane n’ikimenyane icyo ari cyo cyose mu rwego rwo gutanga ubutabera bwizerwa n’abagana inkiko bose.
Abitabiriye iyi nama bagejejweho raporo y’ibikorwa by’inkiko mu mezi ane ashize (kuva mu Gushyingo 2024 – Werurwe 2025) aho bagaragarijwe ahakiri intege nke mu micire y’imanza harimo gusubika iburanisha cyangwa isomwa ry’imanza ku mpamvu zitaremereye. Nyuma yo gushyikirizwa raporo habayeho kungurana ibitekerezo ku ngamba zafasha abacamanza n’abanditsi b’inkiko gutanga ubutabera bwihuse kandi bunoze.
Iyi nama kandi yibanze ku ruhare rw’abayobozi b’inkiko mu migendekere myiza y’akazi, baharanira ku kwita no kumenya inshingano zabo no kuzisohoza neza nk’abayobozi, kunoza no gutegura neza amaburanisha, abacamanza bikirinda kuzana mu manza ibitari ngombwa kuko ibyinshi biba byaravugiwe mu nama ntegurarubanza ; ibi bindi bikaba ari ibyo gutinza amaburanisha bitari ngombwa.
Muri iyi nama kandi abakozi bose b’inkiko bibukijwe gutanga serivisi nziza ku bagana inkiko, baharanira ko abantu bishimira serivisi bahabwa n’uburyo bazihabwamo; basabwa kandi kugirana imibanire myiza n’izindi nzego muri rusange ndetse n’aho bahurira ku nshingano zo gutanga ubutabera by’umwihariko.
Ni ubwa mbere Inama y’igihembwe y’abayobozi b’inkiko yitabiriwe n’abo mu nkiko z’ibanze, iyaherukaga ikaba yarabaye mu Gushyingo 2014.
